Devotees

Nirbandhan bandha rahe Bandha nirbandh hoye

Karma kare karta nahi,das kahave soye

Laga rahe satgyan so,sabahi bandhan tod

Kahe kabir wa das so,kaal rahe hath jod

Dasatan hirdaya base ,sadhun so aadheen

Kahe kabir so das hai prem bhakti lavleen

Das kahavan kathin hai main dasan ka das

Ab to aisa hoye rahun ,paanv tale ki ghaas

Kabir kul soyi bhala ja kul upaje das

ja kul das na upaje so kul aak palaas

Kahu ko na santapiye jo sur hant hoye

phir phir wako bandiye ,das lakshya hai soye

Nihkami nirmal dasha ,nit charnon ki aas

teerath ichha ta kare ,kab aave ve das

Guru samrath sir par khade,kaha kami tohi das

riddhi siddhi seva kare,mukti na chhade paas

Sukh dukh sir upar sahe  kabahun na chhade  sang

Rang na laage aur ka,vyape satguru rang

Kabir guru sabko chahe,guru ko chahe na koye

Jab lag aas sharir ki tab lag das na hoye

Kabir guru ke bhaavte,durahi te dishant

Tan chheena man anmana,jag ke roothi phirant

Dasatan hirdaya nahi,naam dharave das

paani ke piye bina kaise mite piyaas