Tuesday, September 9, 2014

Kabira darshan paave








Hari sang lagu bairagan houngi 


Lyrics -

Hari sang lagu bairaagan houngi  
gun gaungi bairagan houngi

dand kamandalu kati mrig chhala 
ram bhajan gala tulsi ki maala

kaaya mori kantha man mora jogi 
shyam sundar jan boras hogi 

kehat kabira ant ki baari 
ram bina dukh kaun niwari 

Ab main apne ram ko rijhaun


Lyrics -

Ab main apne ram ko rijhaun 

Daali chhedu na paatta chhedu na koi jeev sataun 
paat paat mein prabhu basat hai wake hi sheesh nawaun

Ganga jaaun na jamuna jaaun na koi teerath nahaun 
arsath teerath ghat ke bheetar mal mal nahaun 

Chandra surya do sab kar rakhyo nij man se sez sajaun
kahat kabir suno bhai sadho aavagaman mitaun

Meri surati suhagan jaag ri 


Lyrics -

Meri surati suhagan jaag ri 
kya tu sove moh neend mein uth ke bhajan vich laag ri
anhad shabd suno chit de kar uthat madhur dhun raag ri 
charan sheesh dhar binati kariyo paavegii atal suhaag ri 
kehat kabir suno mhari surta jagat peeth de bhag ri 

Bhajo re bhaiya Ram Govind Hari 


Lyrics -

Bhajo re bhaiya ram govind hari 
jap tap saadhan kachhu nahi laagat kharchat nahi gathari 
sangat sampat sukh ke kaaran jaase bhool pari
kehat kabira jo mukh rakhehi wo mukh dhool pari 

Aap bin kaun sune mori 


Lyrics - 

Aap bin kaun sune prabhu mori 
tum samrath sab laayak daata mo par kripa karo ri
das ki vipad nivaran kije araj karun kar jori 
koi bheer pare bhaktan par jahan jahan kinhi pheri
tere ghar mein tota aayo ke vipda ne gheri
kehat kabir der kah kinhi naath sharan main teri 


Man maame jab taar prabhu ji 


Lyrics -

Man maane jab taar prabhu ji 
nadiya gehri naav purani kaise main  utarun paar 
ved purana sab kuchh dekhe ant na laage paar
kehat kabira suno bhai sadho naam nirantar saar

Tum bin mera na koi 


Lyrics -

Tum bin mera na koi saheb ji
ek ban dhoondho sakal ban dhundhoo
ban ban dhoondhat roi
gyai gayi woh jal bharne ko
sab sakhiyan sang khoyi
kehat kabira suno bhai sadho
mera ram kare so hoyi

Jasoda maiya kahe  na mangal gaave 





Lyrics -

Jasoda maiya kahe na mangal gaave
puran brahma sakal avinasi teri dhenu charave
sakal brahmand ke karta japtap dhyan lagave
na jaane yah kaun punya jasomati govind khelave
shivsanakadi adi brahmadik nigam nek brahma gaave
shesh sahas mukh ratat nirantar jako paar na paave
sundar badan kamal dal lochan godhan ke sang aaye
maat jasoda karat aarti kabira darshan paave

Man lago mero yaar fakiri mein


Lyrics -

Man lago yaar fakiri mein 
jo sukh paaun naam bhajan mein so sukh nahi amiri mein 
bhala bura sab ka sun lije kar guzraan garibi mein 
prem nagar mein rehni humari bhali ban aayi saburi mein 
haath mein kundi bagal mein sota charo disha jagiri mein
aakhir yeh tan khaakh milega kahan phirat magroori mein 
kehat kabir suno bhai sadho sahib mile saburi mein 


Rehna nahi des birana hai 


Lyrics -

Rehna nahi des birana hai
rehna nahi sun bhai sadho rehna nahi
yeh sansar kaagaz ki pudiya bund pade ghul jana hai
yeh sansar jhad aur jhakad aag lage bar jana hai
yeh sansar kante ki badi ulajh ulajh mari jana hai
suno bhai sadho ulajh ulajh mari jana hai
kehat kabira suno bhai sadho
sad guru naam thikana hai

Meaning-

Kabirdas ji says 
Not to live here forever , this world is not ours .
Oh dear saint brothers nat to stay here 
This world is a knot of paper , it will dissolve just by 
a drop of water .
This world is bush and thicket , it has to burn to ashes 
by the fire .
This world is a yard of thorns ,one has to die getting 
trapped in it .
Listen o saint brothers one has to die getting trapped in 
it .
Kabir das ji says o saints brother listen only the name 
of a true teacher really does exist .



0 comments:

Post a Comment