Bhajans from album Saanwara
Lyrics Krishna Murari ji
listen to Krishna Murari ji
krishna murari ji aankh base man bhaven
banke bihari ji aankh base man bhaven
pili kamabliiya mor mukut ghanshyam gagan ke rang sajayen
shanjh naddi ke shyam sanwara din bhar nand ki dhenu charave
tan man vaari ji ankh base man bhaven
main to haari ji ankh base man bhaven
neend udiye jag ke karaj kar te sonchu shayam ki sonchu
rasiya jogi tana bajaave murli bol hiyye tat pahunchu
raas bihari ji aankh base man bhave
shobha nyari ji aankh base man bhave
tan man pran hawale tere tujhme rame ramayeh palchhin
maadhava madan gobardhan dhari daras mein tere bhiige nisdin
krishna kumari ji aankh base man bhaven
sudh budh haari ji aankh base man bhaven
hare krishna hare krishna krishna krishna hare hare
hare rama hare rama rama rama hare hare
Lyrics Baant nihare Ghanshyam
listen to baant nihare ghanshyam
Baat nihare Ghanshyam naina neer bahe
Aas kare din rain naina neer bahe
Yog dhyan mein chit nahi lage
Man ki peer hi pal pal jage
Rain jage abhiram
Naina neer bahe
Banke bihari krishna murari
Kahe sakhi sudh budh bisrai
Kab aaoge more dham
Naina neer bahe
Patit paawan mohi sharan mein lijo
Nath sakha hari Darshan dijo
Lagan lagi tere naam
Naina neer bahe
Lyrics Tum dhundho mujhe Gopal
listen to tum dhundho mujhe Gopal
Tum dhundho mujhe Gopal main
Khoyi gaiyya teri
Sud lo meri Gopal main
Khoyi gaiyya teri
Paanch vikar se hanki jaaye
Paanch tatva ki deve ghee
Barbas bhatki door kahin main
Chain na paaun ab kehi
Ye kaisa mayajaal main
Ulajhi gaiyya teri
Sud lo meri Gopal main
Uljhi gaiyya teri
Jamuna tat na nandan vat na
Gopi gwal koi dikhe
Kusum lata na teri chhata na
Paanchh pakheru koi dikhe
Ab saanjh bhayi Ghanshyam main
Vyakul gaiyya teri
Sud lo meri Gopal main
Vyakul gaiyya teri
Kit paaun taruvar ki chhaaon
Jit saje Krishna Kanhaiya
Man ka taap shaat bhatkan ka
Tum hi haro hari raas rachaiya
Ab mook niharun baant prabhu ji
Main gaiyya teri
Sud lo meri gopal main
Khoyi gaiyya teri
Bansi ke swar naad se tero
Madhur taan se mujhe pukaro
Radha Krishna Govind hari har
Murali Manohar naam tiharo
Mujhe ubaaro hey Gopol main
Khoyi gaiyya teri
Sud lo meri Gopal main
Khoyi gaiyya teri
Lyrics Banke Bihari Krishna Murari
listen to Banke bihari Krishna Murari
Banke bihari krishna murari
Meri bari kahan chupe
Darshan dijo sharan mein lijo
Hum balihari kahan chupe
Aankh mecholi hume na bhaye
Jag maaya ke jal bichhaye
Ras racha kar bansi baja ke
Dhenu chara kar preet jaga kar
Natwar naagar nishthur chhaliya
Leela nyari kahan chupe
Sharan mein aatap tum avinashi
Jal thal gagan ravi ghat basi
Yog suna kar rath ko chala kar
Kahan kho gaye humko lubha kar
Govind govind meera gayi
Ganika tari kahan chhupe
Lyrics Krishna Pranatpal prabhu
listen to Krishna pranatpal prabhu
Krishna pranatpal prabhu
Hamari sudh lijo
Bheer padi peer haro
Ab ubaar lijo
Mor mukut murali adhar
Maadhava man har chhavi
Krishna Vasudev Hari
Saras daras dijo
Bhava saagar mein leen pran
Lehar lehar dole
Hari bina na paar lage
Bhaya haro sukh dijo
0 comments:
Post a Comment